საქართველოს პრემიერმინისტრი ირაკლი ღარიბაშვილი „ერთიანი ნაციონალური მოძრაობის“ მიერ 15 ნოემბერს დაანონსებულ საპროტესტო აქციას ეხმაურება. ტელეკომპა „იმედის“ გადაცენა „რეაქციაში“ ღარიბაშვილმა განაცხადა, რომ „15 ნოემრბის აქცია სააკაშვილის მიერ დაგეგმილი პროვოკაციაა“:

„დღეს არათუ ერთი სააკაშვილი, ათი და ასი სააკაშვილიც ვერ გაბედავს და ვერ გააკეთებს ვერავითარ არეულობას, მიიღებენ ძალიან მწვავე და უკომპრომისო რეაქციას სახელმწიფოსგან, თუ ვინმეს ილუზია აქვს იმისი , რომ გაქცეული სააკაშვილი საქართველოში რამე არეულობას შეძლებს, მე გიდასტურებთ , რომ ეს მისი სურვილი და უპირველესი საზრუნავია, მაგრამ სხვაა რეალობა, მე მოვუწოდებ ყველას, არავინ არ წამოეგოს სააკაშვილის მიერ დაგეგმილ ბინძურ პროვოკაციას, სახელმწიფოს და ჩვენი მოსახლეობის წინააღმდეგ. ჩვენი სახელმწიფო იქნება დაუნდობელი ასეთი ბოროტი განზრახვის წინააღმდეგ, მათივე სიტყვებით მინდა მივმართო, რომ არც კი იფიქრონ ამაზე.

ისინი ერთმანეთს ატყუებენ , რომ მათი გუნდი , რომელიც არის 20-30 კაცი არ ჩამოეშალოთ და არ ჩამოენგრათ ეს ე.წ პარტია..

სააკაშვილი, რომელსაც ჰქონდა პოლიცია, ჯარი, ხელისუფლება, ფული, დიქტატურა - ფაქტობრივად, მაშინ ვერ გაბედა სახელმწიფოს და ქვეყნის წინააღმდეგ წასვლა და ვერც გაბედავდა, იცოდა როგორც დამთავრდებოდა ის ყველაფერი, მოვედით ჩვენ და ბატონმა ბიძინა ივანიშვილმა სასწაული მოახდინა და ხელისუფლება მთლიანად გამოვართვით.

გონიერმა ადამიანმა როგორ უნდა დაუშვას, რომ სააკაშვილი დღეს რეალობას შეცვლის, ეს არის ყალბი რეალობა, რომელსაც მისი ტელევიზიები და მისი მხარდამჭერები ქმნიან.

ჩვენ არავის დაგეგმილ პროვოკაციას არ დავუშვებთ ქვეყანაში, 15 ნოემბერზე მე კონკრეტული ინფორმაცია მაქვს, შესაბამისი უწყებებიდან, რომ ისინი მართლაც გეგმავენ ჩამოიყვანონ ადამიანები, რაიონებიდან და რეგიონებიდან, უხდიან 15-დან 50 ლარამდე, მათ სურთ ჩამოიყვანონ ეს ადამიანები და ერთმანეთი აცემინონ“, - აღნიშნა ღარიბაშვილმა.