საქართველოს პრემიერმინისტრი თავდაცვის უწყებაში მიმდინარე მოვლენებზე საუბრობს. ღარიბაშვილი არ აკონკრეტებს, შეიძლება თუ არა ირაკლი ალასანიას პასუხისმგებლობის საკითხი დადგეს. საუბარია თავდაცვის უწყების მაღალჩინოსნების დაკავებაზე, დიდძალი თანხის გაფლანგვის გამო. ამის შესახებ ღარიბაშვილმა ტელეკომპანია „იმედის“ გადაცემა „რეაქციაში“ ისაუბრა:

„რა თქმა უნდა ეს არის რეზონანსული საქმე და არ არის მარტივი საქმე. საქმე ეხება თავდაცვის სამინისტროს, ხუთი მაღალჩინოსანი იქნა დაკავებული. რა თქმა უნდა ამის თაობაზე, მე უფლება არ მაქვს, რომ საზოგადოებას არ განვუმარტო, თუ რა ინფორმაციას ვფლობ მე, როგორც პრემიერმინისტრი, მთავრობის მეთაური, რომლის წევრი არის მინისტრი ალასანია. მიმაჩნია, რომ ჩვენ მეტი ინფორმაცია უნდა მივაწოდოთ მოსახლეობას. პროკურატურის მიერ მოწოდებულ ინფორმაციაში ნათლად ჩანს, რომ ეს არ არის მარტივი საქმე. რაც შეეხება კირვალიძის საქმეს და მის გადადგომას, მიმაჩნია, რომ კულტურულად მოიქცა, ამ საქმესთან დაკავშირებით იყო კითხვები, მაგრამ მოხდა პრევენცია.

რა თქმა უნდა თავდაცვის უწყებაში მიმდინარე მოვლენებს, მეც განვიცდი ამას, როცა საქმე ეხება თავდაცვის მინისტრს, რა თქმა უნდა მეც ვგრძნობ ჩემს წილ ვალდებულებას, რომ მოსალხეობას განვუმარტო რასთან გვაქვს საქმე. გამოძიება გამჭვირვალედ უნდა ჩატარდეს. სასამართლომ უნდა მიიღოს დმოუკიდებელი გადაწყვეტილება და მხოლოდ ამის შემდეგ უნდა ვიმსჯელოთ. მეც მაქვს შეკითხვები. არ მინახავს მინისტრი ალასანია. ვაპირებ საუბარს, თვითონაც განმარტავს, რასთან გვაქვს საქმე. თუ ეს ყველაფერი დამტკიცდა, რა თქმა უნდა მძიმე პასუხისმგებლობას დააყენებს, ალასანიას პასუხისმგებლობაზე ვერ ვისაუბრებს. ეს ჩემს მთავრობას ეხება, მე ვიღებ ჩემს წილ პასუხისმგებლობას. ჩვენ უნდა დაველოდოთ გამოძიებას, პროკურატურა მაქსიმალურად ღია იქნება“, - განაცხადა ღარიბაშვილმა.