საქართველოს პრემიერმინისტრი, ირაკლი ღარიბაშვილი აცხადებს, რომ ევროკომისიის მიერ მიღებული რეზოლუცია საქართველოს შესახებ „ნაციონალური მოძრაობის“ პარტიზანული რეზოლუციაა“. ამის შესახებ პრემიერმა ტელეკომპანია „იმედის“ გადაცემა „რეაქციაში“ ისაუბრა:

„ჩვენი ოპონენტები და მედია საზოგადოებაში კითხვას აჩენენ. არის გამონათქვამი, შეძახილმა ხე გაახმოო და წვეთი წყალი ქვას ხვრეტს. ეს ფსიქოლოგიურია და ადამიანის ქვეცნობიერებაზე ზეგავლენის მოხდენას ცდილობენ. მაგრამ ამ ყველაფერს ჩვენ სიმართლეს ვუპირისპირებთ. ევროკომისიის რეზოლუციით სპეკულირება არის არასწორი. ავტორები ვინც არიან, მომხსენებლები, ისინი არ ეთანხმებიან ამ რეზოლუციას, მათ თქვეს, რომ ეს არის „ნაციონალური მოძრაობის“ პარტიზანული რეზოლუცია, „ნაციონალური მოძრაობა“ რასაც აკეთებს ეს არის მავნებლობა საკუთარი ხალხის წინაშე. ისინი აგრძელებენ იმ საქმეს, რასაც წლების განმავლობაში აკეთებდნენ“, - განაცხადა ღარიბაშვილმა.