აფხაზეთის ე.წ პარლამენტმა რუსეთსა და აფხაზეთს შორის „მეკავშირეობისა და სტრატეგიული პარტნიორობის“ შესახებ კანონპროექტის აფხაზური ვარიანტი განიხილა, რომელიც რუსულ ვარიანტში გარკვეული ცვლილებების შეტანის შემდეგ სახალხო კრების, პარლამენტის, პრეზიდენტის ადმინისტრაციის და აღმასრულებელი ხელისუფლების თანამშრომლობით შემუშავდა.

კანონპროექტის აღნიშნული ვარიანტი რუსული ვარიანტისგან სათაურითაც განსხვავდება , რუსული ვარიანტის სათაურია „ხელშეკრულება მეკავშირეობის და ინტეგრაციის შესახებ“, ხოლო აფხაზური ვარიანტის სათაურია „ხელშეკრულება მეკავშირეობის და სტრატეგიული პარტნიორობის შესახებ“.

როგორც აფხაზეთის ე.წ პარლამენტში აცხადებენ პარლამენტში მუშაობს კიდევ ერთი კომისია, რომელიც ამზადებს კანონპროექტის ახალ, აფხაზურ ვარიანტს, რომელიც რუსული ვარიანტის გადამუშავებით არ არის მიღებული. ომისიის წარმომადგენლის განცხადებით, ამ დროისთვის პროექტის დასრულება ვერ მოესწრო და მას შემდგომ სხდომაზე განიხილავენ.

საპარლამენტო განხილვის პარალელურად ოკუპირებული აფხაზეთის დედაქალაქში დოკუმენტის ხელმოწერის წინააღმდეგ საპროტესტო აქცია მიმდინარეობდა.

დემონსტრაციის მონაწილეები საოკუპაციო რეჟიმის ე.წ. პრეზიდენტ რაულ ხაჯიმბასთან შეხვედრას მოითხოვდნენ და აცხადებდნენ, რომ თუ ხელისუფლება რუსეთთან "მოკავშირეობისა და ინტეგრაციის შესახებ" შეთანხმებას გააფორმებს, აფხაზეთი სუვერენიტეტს დაკარგავს.