საპარლამენტო უმცირესობის წევრი სერგო რატიანი მიიჩნევს, რომ უმრავლესობა ფარული მოსმენების კანონპროექტთან დაკავშირებით პრეზიდენტის ვეტოს ვერ დაძლევს.

მისი განმარტებიტ, ამის ერთ-ერთი მიზეზი არის ის, რომ აღნიშნული კანონპროექტის მიღებას მოწინააღმდეგეები უმრავლესობაშიც ჰყავს.

„უმრავლესობიდან „თავისუფალი დემოკრატები“ არიან ის ფრაქცია, რომლებიც ამ კანონპროექტის მიღების წინააღმდეგები იყვნენ. ასევე „რესპუბლიკური პარტიის“ ნაწილი იყო ამ კანონპროექტის მიღების წინააღმდეგი. ვფიქრობ, უმრავლესობა ვეტოს დაძლევას ვერ შეძლებს“, - აცხადებს სერგო რატიანი.

იმისათვის, რომ უმრავლესობამ პრეზიდენტის ვეტო დაძლიოს პარლამენტს დაახლოებით 90 ხმა სჭირდება.