პარლამენტში პრეზიდენტის საპარლამენტო მდივანს გიორგი კვერენჩხილაძეს ელოდებიან. ის იქნება მთავარი მომხსენებლი იურიდიულ საკითხთა კომიტეტზე, სადაც „ელექტროული კომუნიკაციების შესახებ“ კანონპროექტს განიხილავენ.

კვერენჩხილაძე იმ ცვლილებებს წარადგენს, რომელიც პრეზიდენტმა ალტერნატიული კანონპროექტის სახით წარმოადგინა. ამ შემთხვევაში საუბარი კანონპროექტის შინაარსობრივ მხარეზე არ იქნება. აქ საუბარია ვადებზე, კერძოდ, პრეზიდენტის ინიციატივაა, რომ 28 თებერვლის ნაცვლად კანონპროექტის ამოქმედება გადავადდეს 1 დეკემბრამდე. იქამდე კი დეპუტატები ვალდებულები იქნებიან კანონმდებლობა შესაბამისობაში მოიყვანონ და კანონი მიიღონ.

პრეზიდენტმა ფარულ მოსმენებთან დაკავშირებით პარლამენტის მიერ გუშინ მიღებულ კანონპროექტს ვეტო დაადო. ფარული მოსმენების შესახებ კანონპროექტის განხილვის გადავადების შესახებ შესაბამისი კანონპროექტი პარლამენტმა გუშინ მიიღო. განხილვის გადავადებას მხარი 65-მა დეპუტატმა დაუჭირა, ხოლო მოწინააღმდეგე 31 იყო.