ჯეიმს აპატურაი რუსეთის მიერ ოკუპირებული აფხაზეთისათვის ახალი „სამეკავშირეო“ ხელშეკრულების შეთავაზებას სოციალურ ქსელში ეხმაურება.

NATO-ს გენერალური მდივნის სპეციალური წარმომადგენელი სამხრეთ კავკასიასა და ცენტრალურ აზიაში თვლის, რომ რუსეთი ცდილობს, შეცვალოს ევროპის პოლიტიკური რუკა.

რუსეთის მიერ საქართველოს რეგიონის- აფხაზეთისთვის შეთავაზებული ე.წ „ხელშეკრულების“ გამო, NATO ღრმა შეშფოთებას გამოთქვამს . ხელმოწერის შემთხვევაში იგი ხელს შეუშლის საკითხის გადაჭრის შემდგომ პერსპექტივებს. ამასთანავე, ეს იქნება კიდევ ერთი გამოვლინება იმისა, რომ რუსეთი ევროპის პოლიტიკური რუკის შეცვლას ცდილობს, " - წერს ჯეიმს აპატურაი Facebook - ის ოფიციალურ გვერდზე.