თავდაცვის სამინისტროს მაღალჩინოსნების დაკავების საკითხს ნატო-ს სამეკავშირეო ოფისის ხელმძღვანელი გამოეხმაურა.

უილიამ ლაჰიუმ ე.წ. ტრაქტორების საქმეც გაიხსენა და აღნიშნა, რომ ამ შემთხვევაში დაკავებულების უდანაშაულობა დამტკიცდა.

„მსგავსი შემთხვევების განხილვისას და ადრეულ ეტაპზე დასკვნების გამოტანისას თავი უნდა შევიკავოთ, რადგან სანამ დაკავებულების დანაშაული დამტკიცდება, ისინი უდანაშაულონი არიან. არც თუ შორეულ წარუსულში იყო შემთხვევები, მაგალითად სოფლის მეურნეობის სამინისტროში განვითარებული მოვლენა, როდესაც უწყების რამდენიმე წარმომადგენელი პასუხისგებაში მისცეს, თუმცა საბოლოოდ მათ დანაშაული არ დაუმტკიცდათ. სამწუხაროდ, თქვენთან პროკურატურას აქვს საშუალება, რომ საგამოძიებო მოქმედება მცირე ფაქტებზე დაყრდნობითაც დაიწყოს. ახლა მთავარია აღნიშნულთან დაკავშრებით როგორ იმოქმედებს პროკურატურა, რადგან ბრალეულობის დამტკიცების ტვირთი სწორედ მასზეა“, - განაცხადა ლაჰიუმ.