პარლამენტის თავმჯდომარე დავით უსუფაშვილი პრეზიდენტის მიერ მოსმენებთან დაკავშირებულ კანონპროექტზე ვეტოს დადების საკითხს გამოეხმაურა.

მისი თქმით, პრეზიდენტის შენიშვნები აღნიშნულ კანონთან დაკავშირებით პარლამენტში უკვე შევიდა. უსუფაშვილის განცხადებით, გიორგი მარგველაშვილს შენიშვნები ძირითადად ვადებთან დაკავშირებით აქვს.

,,პრეზიდენტმა კონსტიტუციით მინიჭებული უფლებები გამოიყენა და გუშინ მიღებულ კანონს ფარულ მოსმენებთან დაკავირებით ვეტო დაადო. ასეთ შემთხვევაში პრეზიდენტი მიუთითებს ხოლმე მიზეზებს თუ რას არ ეთანხმება ის. დოკუმენტი მცირე ხნის წინ შემოვიდა პარლამენტში და ის აუცილებლად დაურიგდება დეპუტატებს. პრეზიდენტის შენიშვნა ძირითადად უკავშირდება გადავადების საკითხს, რადგან მას ამასთან დაკავშირებით განსხვავებული მოსაზრება აქვს", - განაცხადა დავით უსუფაშვილმა.