ამერიკის შეერთებული შტატების ელჩი საქართველოში, რიჩარდ ნორლანდი აცხადებს, რომ აფხაზეთისა და სამხრეთ ოსეთის მიმართებით აშშ-ს პოზიცია არ შეცვლილა. დიპლომატის განმარტებით, აშშ განაგრძობს საქართველოს სუვერენიტეტისა და ტერიტორიული მთლიანობის მხარდაჭერას:

"რაც შეეხება აფხაზეთისა და სამხრეთ ოსეთის საკითხს, ამ კუთხით არაფერი შეცვლილა. ამერიკის შეერთებული შტატები აგრძელებს საქართველოს სუვერენიტეტისა და ტერიტორიული მთლიანობის მხარდაჭერას. ჩვენ მივესალმებით საქართველოს მთავრობის მოსაზრებებს, რომელთა მიზანიც ადმინისტრაციული საზღვრის მეორე მხარეს მცხოვრები ხალხის დარწმუნებაა, რომ მათი მომავალი გაერთიანებულ საქართველოშია, რომელიც თავისთავად დასავლური სამყაროს ნაწილია" - აცხადებს ნორლანდი.