პრემიერ-მინისტრ ირაკლი ღარიბაშვილის განცხადებით, მოსმენების გასაღები შინაგან საქმეთა სამინისტროს ხელში დარჩება. ამის შესახებ პრემიერმა მთავრობის სხდომაზე განაცხადა. ღარიბაშვილის კომანტარს ეკა გიგაური ეხმაურება:

„სამწუხაროა პრემიერის ასეთი დამოკიდებულება და ვფიქრობ, რომ დღეს ჩვენ უკვე არჩევანის წინაშე ვდგევართ. ან ვირჩევთ დემოკრატიული მმართველობის სისტემას, ვირჩევთ თანამედროვე სისტემას, ვირჩევთ ევროპულ დამოკიდებულებას სხვადასხვა საკითხების მიმართ, ან ვრჩებით საბჭოურ სისტემას და ვფიქრობთ, რომ აქ არ არის მხოლოდ და მხოლოდ საუბარი ერთ კონკრეტულ კანონზე, აქ არის საუბარი დამოკიდებულებაზე პრინციპებზე და ღირებულებებზე. იმედს ვიტოვებ, რომ უმრავლესობა ამას პარლამენტში მხარს არ დაუჭერს. მჯერა, რომ საქართველოს პრეზიდენტის რეაგირებაც იქნება ადეკვატური“, - განაცხადა ეკა გიგაურმა.