საპარლამენტო უმცირესობა საქართველოს პრემიერმინისტრს პასუხობს და ხელისუფლებას მოუწოდებს, 15 ნოემბრის აქციაზე უსაფრთხოება უზრუნველყოს. გოკა გაბაშვილის განმარტებით, აქციის პროვოკაციების გარეშე წარმართვა ხელისუფლების ინტერესებში უნდა შედიოდეს:

„ამ სტილის ხელისუფლება ჰყავს საქართველოს, რომელიც ორი წელია ზუსტად ამით არის დაკავებული, რომ ვიღაც მიაგზავნოს, ხან რაღაც „ტიტუშკებს“ გაუწიოს ორგანიზება და გამოუშვას. მაგრამ 15 ნოემბერს არ მოველი მათგან პროვოკაციებს, იმიტომ, რომ მათ იციან, ეს იქნება ძალიან ხალხმრავალი აქცია და მათ ინტერესებშიც შედის უზრუნველყონ სიწყნარე, სიმშვიდე და ეს ასეც იქნება. დარწმუნებული ვარ, ეს იქნება წყნარი, მშვიდობიანი, მაგრამ ძალიან პრინციპული აქცია ამ ხელისუფლების წინაღმდეგ,“ - განაცხადა გაბაშვილმა.