„ერთიანი ნაციონალური მოძრაობა“ ირაკლი ღარიბაშვილს პასუხობს. „ნიუპოსტთან“ საუბრისას დეპუტატმა დავით დარჩიაშვილმა განაცხადა, რომ 15 ნოემბრის აქციაზე პროვოკაცია შესაძლოა გარეშე ძალებიდან იგეგმება, ამის გადაბრალებას კი „ნაციონალური მოძრაობისთვის“ შეეცდებიან:

„თუ პრემიერისთვის რუსული აგრესიის, იმპერიალიზმის, ანექსიის გაპროტესტება პროვოკაციაა, მაგ სიმართლით იცხოვროს. თუ ღარიბაშვილს ჰგონია, რომ საპროტესტო ღონისძიებაზე კიდევ რაღაცას ვგეგმავთ, შიშს დიდი თვალები აქვს. ეჭვი მაქვს, რომ თვითონ გეგმავენ რაღაცებს და ამის გადაბრალება უნდათ ჩვენთვის. მე ვაფრთხილებ, რომ ცეცხლს ეთამაშებიან. სპეციალურად ქმნიან და აორგანიზებენ ე.წ. ტიტუშკებს და არაფერი გამიკვირდება. არ ვიცი კონკრეტულად რა აქვთ დაგეგმილი, მაგრამ ეს ყველაფერი არის მთავრობაზე მიბმული“, - განაცხადა „ნიუპოსტთან“ საუბრისას დავით დარჩიაშვილმა.

პრემიერმინისტრის განცხადებით, „ერთიანი ნაციონალური მოძრაობა“ 15 ნოემბრის აქციაზე პროვოკაციას გეგმავს.