გოგა ხაინდრავა ინგა გრიგოლიას განცხადებას კიდევ ერთხელ ეხმაურება. გრიგოლიამ გასულ პარასკვეს გადაცემა „რეაქციაში“ აღნიშნა, რომ ხაინდრავას მხრიდან მედიაზე ზეწოლას აქვს ადგილი. გრიგოლიას ხაინდრავამ პასუხი „ალიასთან“ საუბრისას გასცა:

„არ მესმის რატომ დაიხვიეს ხელზე ე.წ. ქობულეთის შეხვედრა, გრიგოლიას გამოსვლამ ერთიერთში დაადასტურა ყველა ის პრეტენზია, რომელიც იმ სტატიაში იყო მოხსენიებული. ჩემი მხრიდან იყო ძირითადი პრეტენზია ის, რომ „რეაქციის“ წამყვანი არის პოლიტიკურად ანგაჟირებული ადამიანი, ხდება სიცრუის ტირაჟირება, ეთერს იყენებს პირადი ინტერესებისა და პირადი ვნებების დასაკმაყოფილებლად და არა საზოგადოების ინტერესების დასაკმაყოფილებლად. ასრულებს იმ დაკვეთას, რასაც ერთერთი მარგინალური ჯგუფი ახორციელებს. გრიგოლია გადაცემაში არასდროს დამიძახებს, რადგან ძალიან კარგად იცის, ჩემგან რა პასუხს მიიღებს, ძალიან კარგად იცის, რა პოლიტიკურ დაკვეთებს ასრულებს“, - აცხადებს ხაინდრავა.