დაუყოვნებლივ უნდა ვიმოქმედოთ მძიმე შედეგების თავიდან ასაცილებლად

დაუყოვნებლივ უნდა ვიმოქმედოთ მძიმე შედეგების თავიდან ასაცილებლად - სააკაშვილი

პოლიტიკა - 15:02, 29 Oct, 2014

4317

საქართველოს ყოფილი პრეზიდენტი, მსოფლიო ბანკის ყოველწლიურ, ბიზნესის სიიოლის რეიტინგში, საქართველოს სტატუსის ცვლილებას გამოეხმაურა:
"9 წლის განმავლობაში, საქართველო მსოფლიო ბანკის ყოველწლიურ ბიზნესის სიიოლის რეიტინგში, 127 ადგილიდან მე-8 ადგილზე დაწინაურდა. არცერთ ქვეყანას არ განუცდია მსგავსი პროგრესი ასეთ მოკლე დროში და ამიტომ საქართველო მსოფლიო ბანკის მიერ აღიარებულ იყო როგორც ნომერ 1 რეფორმატორი მსოფლიოს 200 ქვეყანას შორის. მე ვამაყობდი ამ შედეგით, რომელმაც საქართველოს მოუტანა ბევრი ინვესტიცია და გააჩინა უფრო მეტის პერსპექტივა მომავლისთვის.
საოცრად დამწყდა გული, როდესაც დღეს გამოქვეყნებულ წლევანდელ რეიტინგში საქართველოს პოზიციები თითქმის ორჯერ გაუარესდა. ამ რეიტინგის მიხედვით როგორც არცერთი ქვეყნის პოზიციები ასე არ გაუმჯობესებულა ბოლო 9 წელიწადში, როგორც საქართველოსი, ასე არცერთი ქვეყნის პოზიციები არ გაუარესებულა, როგორც საქართველოსი ჩემი პრეზიდენობის ვადის გასვლიდან 1 წელიწადში. დაღმასვლა გვაქვს მსოფლიო კორუფციის Transparency International რეიტინგშიც, თუმცა ადრე ყოველ წელს ვიუმჯობესებდით მდგომარეობას. ეს არის პირდაპირი შედეგი წინა მთავრობის ჯინაზე გადადგმული გააზრებული თუ გაუაზრებელი ნაბიჯების. მეტიც, შარშან დავოსის ეკონომიკურ ფორუმზე ივანიშვილმა განაცხადა, რომ მსოფლიო ბანკის რეიტინგები იყო “სააკაშვილის სიცრუის შედეგი” და მისივე თქმით რუსების დიდი აპლოდისმენტები დაიმსახურა. წელს საქართველოს მთავრობა ხელახლა წარსდგება დავოსში უკვე რეალურად მკვეთრად გაუარესებული მაჩვენებლით.
სამწუხაროდ ამ ყველაფრის ფასის გადახდა მოუწევს ქართველ ხალხს, რადგან ასეთ რეიტინგებში უკან დახევა გარდაუვლად კიდევ უფრო გააუარესებს ჩვენს ეკონომიკურ მდგომარეობას და მოგვისპობს პერსპექტივას.
საჭიროა დაუყოვნებლივ მოქმედება შემდგომი მძიმე შედეგების თავიდან ასაცილებლად."

შეგახსენებთ, რეიტინგში საქართველოს პოზიცია წინა წელთან შედარებით რამდენიმე პუნქტში გაუარესდა. მათ შორის ყველაზე დიდი გაუარესება გადასახადების სექტორშია, სადაც წინა წელთან შედარებით 16-პუნქტიანი კლებაა. აღნიშნულ პუნქტში საქართველოს პოზიციის გაუარესება მისი შეფასების კრიტერიუმის ცვლილებას უკავშირდება. საგადასახადო სიმარტივის პუნქტში ყურადღება მოსაკრებლების საერთო დონესაც ექცევა, რაც საქართველოს შემთხვევაში 16,4%-ს შეადგენს.
Doing Business-ის 2015 წლის ანგარიშის მიხედვით, საქართველო ბიზნესის კეთების სიმარტივით მეთხუთმეტე ადგილზე გავიდა. წინა წელთან შედარებით რეიტინგში საქართველოს პოზიცია ერთი ადგილით გაუარესდა.