რუსეთსა და ცხინვალის საოკუპაციო რეჟიმს შორის თანამშრომლობისა და ინტეგრაციის შესახებ ხელშეკრულებაზე პირველი კომენტარი საქართველოს სახელმწიფო მინისტრმა, გიორგი კვირიკაშვილმა გააკეთა.

„მაქსიმალურად უნდა გავააქტიუროთ ჩვენი კამპანია საერთაშორისო მიმართულებით. უნდა ჩავრთოთ ყველა ჩვენი სტრატეგიული მოკავშირე იმისათვის, რომ ეს არ მოხდეს. ძალიან ცუდია და სამწუხაროა, რომ იმ დადებითი ეკონომიკური აქტივობის ფონზე, რომელიც ჩვენ რუსეთთან მიმართებაში გვაქვს, რუსეთი ამ მიმართულებით განაგრძობს პროვოკაციულ პოლიტიკას, იმიტომ, რომ ჩემთვის გაუგებარია რას ემსახურება ამ ტიპის ხელშეკრულებები. რა თქმა უნდა საერთაშორისო თანამეგობრობას ხმამაღლა უნდა ვამცნოთ ჩვენი შეშფოთება“, - განაცხადა კვირიკაშვილმა.