ეკონომიკის ყოფილი მინისტრის ნინო კალანდაძის ინფორმაციით, მოსკოვსა და ცხინვალს შორის თანამშრომლობის ხელშეკრულების გაფორმება რუსული გეგმაა.

მისი თქმით, რუსეთი ეცდება როგორც აფხაზეთის, ისე ცხინვალის ანექსიას და მას ამისთვის ხელსაყრელი პირობებიც აქვს.

„ოსეთის დე-ფაქტო წარმომადგენლების შეთავაზება, სავარაუდოდ დადგმული სცენარია. ეს არის რუსული გეგმა. რუსეთი ეცდება როგორც აფხაზეთის, ისე ცხინვალის რეგიონის ანექსიას და ამის ხელსაყრელი პირობებიც აქვს. ჩვენი ხელისუფლება ისეთ არასერიოზულ წინადადებას ავრცელებს, როგორიც არის, მაგალითად, აფხაზებისთვის ავტონომიის ხელახლა შეთავაზება. ეს ნიშნავს იმას, რომ რუსებისთვის განსაკუთრებულად ხელსაყრელი მდგომარეობაა“, - განაცხადა ნინო კალანდაძემ.