„ლეიბორისტული პარტიის“ ლიდერის შალვა ნათელაშვილის განცხადებით, ხელისუფლება პრეზიდენტს მუშაობის საშუალებას არ აძლებს.

როგორც გადაცემა „არჩევანში“ ნათელაშვილმა განაცხადა, „გიორგი მარგველაშვილი ხელისუფლების მძევალია“.

„პრეზიდენტი პრემიერს, რომელიც უშიშროების საბჭოს წევრია, ეზოში დახვდა და შეაცილა სასახლეში. არანაირი სიმპათიები არ მაქვს პრეზიდენტის მიმართ, ჩვენ დაპირისპირებული ვიყავით და იმედია ისევ ვართ, მაგრამ შინაგანად მე ყოველთვის დამარცხებულის მხარეზე ვიყავი. მე ვარ შეშფოთებული ჩემი ქვეყნის ბედით. კონსტიტუციის მიხედვით, ქვეყნის უსაფრთხოება, სტრატეგია, საგარეო პოლიტიკა ეკუთვნის პრეზიდენტის პრეროგატივებს. მე უკვე ვეღარ ვაკრიტიკებს პრეზიდენტს, რადგან მას მუშაობის საშუალებას არ აძლევენ. ის არის მძევალი. ქვეყანაში დაიკარგა პასუხისმგებლობის სუბიექტი“, - განაცხადა ნათელაშვილმა.