"ლეიბორისტების" ლიდერის შალვა ნათელაშვილის განცხადებით საქართველოს ხელისუფლება დაშლილი და ერთმანეთთან დაპირისპირებულია:

"სამწუხარო რეალობაა, საქართველოს ხელისუფლება დაშლილია , არა მარტო დაშლილი ერთმანეთთან დაპირისპირებულია, გაიხლიჩა მმართველი კოალიცია, ახლა მაინცდამაინც ტანკებზე უნდა გადაჯდნენ და სროლა დაუწყონ ერთმანეთს, რომ ეს დავიჯეროთ? თუ არ კმარა ის ამბავი რომ უშიშროების საბჭო პრაქტიკულად არ მუშაობს და მხოლოდ დღეს შეიკრიბა?

თქვენ გინახავთ ქვეყნის პრეზიდენტი გადიოდეს და ეზოში ხვდებოდეს ქვეყნის პრემიერ მინისტრს , რომელიც მისი უშიშროების საბჭოს ერთ-ერთი რიგითი წევრია? მე ვეღარ ვაკრიტიკებ პრეზიდენტს იმიტომ რომ მას არ აძლევენ მუშაობის საშუალებას, ის არის პრაქტიკულად მძევალი."- განაცხადა ნათელაშვილმა გადაცემა "არჩევანში"