დატოვებენ თუ არა რესპუბლიკელები კოალიციას? - ,,გადაწყვეტილების მიღების პროცესი არ მოგვწონს“

პოლიტიკა - 23:04, 28 Oct, 2014

2977

არ მოგვწონს გადაწყვეტილების მიღების პროცესის ისეთი მიმდინარეობა, როგორც ეს დღეს კოალიციაშია, - ასე უპასუხა რესპუბლიკელმა ვახატნგ ხმალაძემ ,,ნიუპოსტის“ შეკითხვას - შესაძლებელია თუ არა რესპუბლიკელემა კოალიცია დატოვონ.

ხმალაძე ,,ნიუპოსტთან“ საუბარში იმედს გამოთქვამს, რომ პარტიის მიერ გავრცელებულ განცხადებას სათანადო მსჯელობა მოჰყვება.

,,ურთიერთობები, რომელიც აქამდე იყო, საჭიროა მათი გადაყვანა უფრო მეტად დემოკრატიულ საწყისებზე, ისეთ ფორმატში როგორიც არის მიღებულ დემოკრატიულ სახელმწიფოებში. ყველაფერზე თანხმობა და ერთნაირი შეხედულება არა თუ სხვადასხვა პარტიებში, არამედ ერთ პარტიაშიც კი არ არ არის. პროცესი, რომელიც აქამდე მიდიოდა უნდა შეიცვალოს და უნდა გადავიდეს ურთიერთობის სხვა დონეზე. კონკრეტულად საუბარია, გადაწყვეტილებების კოალიციურ რეჟიმში მიღებაზე. ამ ეტპაზეც ხდება კოალიციურ რეჟიმში გადაწყვეტილების მიღება, მაგრამ ისე, როგორც მიმდინარეობს ეს პროცესი, არ მოგვწონს. გვინდა უფრო სხვაგვარ რეჟიმში გადავიდეს. არ არის რეგლამენტირებული კოალიციაში შემავალი პარტიების მიერ გადაწყვეტილების მიღების წესი. მიგვაჩნია, რომ ეს უნდა იყოს დაწერილი. კოალიციაში გადაწყვეტილების მიღების წესი უნდა არსებობდეს და უნდა არსებობდეს კოალიციური შეთანხმება გადაწყვეტილების მიღების დროს“, - განაცხადა ვახტანგ ხმალაძემ.

პრეზიდენტის რეზიდენციიდან გამოსვლის შემდეგ კოალიციის მიმართ არსებული პრეტენზიების შესახებ ხმალაძემ ,,კურიერთან“ კომენტარში აღნიშნა. კურიერის კითხვაზე შესაძლებელია თუ არა რესპუბლიკელებმა კოალიცია დატოვონ, ვახტანგ ხმალაძის თქმით, კოალიციის დატოვება მოვლენათა განვითარებაზე იქნება დამოკიდებული.

„ეს დამოკიდებულია იმაზე, როგორ განვითარდება მომავალში მოვლენები. არსებობს რაღაც, ვთქვათ პრობლემები, რომლებიც საჭიროა, გადაიჭრას, რაღაცეები უნდა მოხდეს სხვაგვარად,“ - ამბობს ვახტანგ ხმალაძე.