საქართველოს პრეზიდენტის ინფორმაციით, უშიშროების საბჭოს სხდომაზე განხილული იყო ის თემები, რომელიც ეხება ქვეყნის სუვერენიტეტს და ოკუპირებულ ტერიტორიაზე მცხოვრებ საქართველოს მოქალაქეებს.

ამის შესახებ გიორგი მარგველაშვილმა უშიშროების საბჭოს სხდომის დასრულების შემდეგ განაცხადა.

„ჩვენ შევხვდით მტკივნეულ და ურთულეს თემაზე, რომელიც ეხება ჩვენს სუვერენიტეტს და ჩვენს მოქალაქეებს, რომლებიც აფხაზეთში და ოსეთში ცხოვრობენ. ბუნებრივია, განხილვის თემა იყო ის, თუ როგორ ვუპასუხოთ ურთულეს ვითარებას, რომელიც შექმნილია აფხაზეთთან ახალი ხელშეკრულების დადებასთან მიმართებაში. ჩვენ განვაალიზეთ ვითარება, გავაანალიზეთ თუ რა საფრთხეების წინაშე დგას ჩვენი ქვეყანა და განვიხილეთ ის ნაბიჯები, რასაც გადავდგამთ კოორდინირებულად მთავრობა, პრეზიდენტი და პარლამენტი“, - განაცხადა მარგველაშვილმა.