დღეს იურიდიულ საკითხთა საპარლამენტო კომიტეტის სხდომაზე საპარლამენტო უმრავლესობის წევრის შალვა შავგულიძის ინიციატივა განიხილეს, რომელიც პერსონალურ მონაცემებზე წვდომის გასაღებთან დაკავშირებული პროექტის მომზადების გადავადებას გულისხმობს,

კომიტეტმა ინიციატივას 5 ხმით 2-ის წინააღმდეგ მხარი დაუჭირა. ინიციატივის მომხრეა დეპუტატი ზაქარია ქუცნაშვილი, ხოლო წინააღმდეგ გამოდიან საპარლამენტო უმრავლესობის წევრები - ზურაბ აბაშიძე და ანი მიროტაძე. მათი განცხადებით, ამ საკითხის გადაჭრა 1 ნოემბრამდე იყო შესაძლებელი.

ზურაბ აბაშიძე ასევე აღნიშნავს, რომ პერსონალურ მონაცემებზე წვდომის მექანიზმებთან დაკავშირებით კანონპროექტის მომზადების ვადის 6 თვით გადაწევას მხარს არ დაუჭერს მთლიანად საპარლამენტო ფრაქცია „ქართული ოცნება თავისუფალი დემოკრატები“. ფრაქციის კიდევ ერთი წევრი, ნინო გოგუაძე არ გამორიცხავს, რომ პერსონალურ მონაცემებზე წვდომის გასაღებთან დაკავშირებული პროექტის მომზადების საბოლოო ვადის გადაწევა იმ უწყებების ხისტი პოზიციის გამო მოხდა, რომლებიც ე.წ. გასაღები შინაგან საქმეთა სამინისტროში დატოვებას ემხრობიან. თავად გოგუაძე ამის წინააღმდეგია და მიიჩნევს, რომ გასაღები შსს-დან აუცილებლად უნდა გამოვიდეს.