პარლამენტის თავმჯდომარის განცხადებით, უშიშროების საბჭოს დღევანდელი შეხვედრა მნიშვნელოვანია.

დავით უსუფაშვილის თქმით, ყველა ორგანომ კოორდინირებულად უნდა იმოქმედოს იმ საფრთხეების წინააღმდეგ, რომელიც ქვეყნის წინაშე დგას.

„ეროვნული უშიშროების საბჭო არის კონსტიტუციური ორგანო, რომელმაც თავისი ფუნქციების შესასრულებლად უნდა იმუშაოს. ეს არის მნიშვნელოვანი შეხვედრა, კოლეგები იმსჯელებენ შექმნილ ვითარებაზე და ყველა ორგანო კოორდინირებულად და მწყობრი ნაბიჯებით უნდა გავუმკლავდეთ იმ საფრთხეებს, რომლის წინაშეც ქვეყანა დგას“, - განაცხადა უსუფაშვილმა.

ეროვნული უშიშროების საბჭოს სხდომა პრეზიდენტის ავლაბრის რეზიდენციაში მიმდინარეობს. სხდომას პრემიერ-მინისტრიც ესწრება.