ირაკლი ღარიბაშვილის განცხადებას დე-ფაქტო აფხაზეთის ე.წ. საგარეო უწყების პოლიტიკური განყოფილება გამოეხმაურა:

„27 ოქტომბერს ღარიბაშვილის მიერ გაჟღერებული განცხადება ერთიანი და ძლიერი საქართველოს შემადგენლობაში აფხაზეთისა და სამხრეთ ოსეთის ავტონომიის შენარჩუნებაზე, კიდევ ერთხელ ადასტურებს შექმნილი რეალობის ადეკვატური აღქმის არარსებობას და რეგიონში საკითხთა იგნორირებას.

გარდა ამისა, საქართველოს სახელმწიფო პირები კვლავ ადასტურებენ ფარისევლური ტაქტიკის ერთგულებას, რომელიც დასავლელ პარტნიორებზეა გათვლილი“, - ნათქვამია განცხადებაში.

ოკუპირებულ ტერიტორიაზე მცხოვრებ მოსახლეობას პრემიერმა გუშინ მიმართა და მათ საქართველოს ფარგლებში ავტონომიის შექმნა შესთავაზა.