ტელეწამყვანი ნანუკა ჟორჟოლიანი ტელეკომპანია „მაესტროდან“ ჟურნალისტების წასვლის ფაქტს „ფეისბუქზე“ ეხმაურება.

„არ ვიცი რა მოხდა მაესტროში, მაგრამ დარწმუნებული ვარ რომ ნინო ჟიჟილაშვილს და დიანა ტრაპაიძეს წამოსვლის მიზეზი ექნებოდა. დიანას კარგად ვიცნობ. ბევრი მისი კოლეგისგან განსხვავებით არასოდეს უსაუბრია ფინანსურ გარიგებებზე და საკუთარ კეთილდღეობაზე. ნინო ჟიჟილაშვილს კიდევ უფრო კარგად და ჩემი მისდამი პატივისცემა მინდა ასე საჯაროდ დავადასტურო დღეს კიდევ ერთხელ გოგოებო წარმატებები. მგონია რომ ტელევიზიას უფრო დაეტყობა უთქვენობა ვიდრე პირიქით“, - წერს ჟორჟოლიანი.

ტელეკომპანია „მაესტრო“ დღეს თეონა გეგელიამ და დიანა ტრაპაიძემ დატოვეს. ერთი კვირის წინ კი მაესტრო მაკა ცინცაძემ დატოვა.