პრეზიდენტმა პეტრო პოროშენკომ განაცხადა, რომ მას მტკიცეთ სწამს „2014 წლის სამამულო ომში“ უკრაინის გამარჯვებისა.

ამის შესახებ ნათქვამია მის განცხადებაში, რომელიც უკრაინის ფაშისტური რეჟიმისგან განთავისუფლების 70 წლისთავისადმი არის მიძღვნილი.

როგორც პოროშენკო აცხადებს: „ზუსტად 70 წლის წინ ჩვენმა ბაბუებმა და დიდმა ბაბუებმა გაათავისუფლეს უკრაინა ფაშისტური რეჟიმისგან“.

„ჯერკიდევ 1939 წლის მარტში, სანამ მეორე მსოფლიო ომის დაწყებამდე ნახევარი წელიწადი იყო დარჩენილი, ჩვენმა ქვეყანამ ერთერთმა პირველმა იგრძნო სისხლიანი ტრაგედიის სუნთქვა. ჩვენი გმირები უთანასწორო ბრძოლაში ჩაერთვნენ ოკუპანტების წინააღმდეგ. ამის შემდეგ, ექვსი მძიმე წლის განმავლობაში უკრაინა ორი ტოტალიტარული რეჟიმის სათამაშო არენა იყო. ფაშიზმზე გამარჯვებისათვის ჩვენმა ერმა წარმოუდგენლად დიდი საფასური გაიღო - მილიონობით დაღუპული, დაჭრილი და დასახიჩრებული.

დაუზუსტებელი ინფორმაციით 8-დან 9 მილიონამდე ჩვენი თანამემამულე დაეცა ბრძოლის ველზე, ჩავარდა ტყვედ, დაიღუპნენ ოკუპაციის დროს. ათობით ათასი უკრაინული სოფელი და ქალაქი განადგურდა. უკრაინის საზღვრები ხელშეუხებელი 70 წლის განმავლობაში იყო, სანამ კვლავ არ დაგვიბრუნდა ომი. ამჯერად იგი მოვიდა არა დასავლეთიდან, არამედ აღმოსავლეთიდან.

პირველად 70 წლის განმავლობაში, ჩვენ კვლავ გვიწევს თავის დაცვა, ბრძოლა თავისუფლებისა და ტერიტორიული მთლიანობისთვის. მივმართავ სამხედროებს და უკრაინელ ხალხს, თქვენ ხართ შვილიშვილები და შვილთაშვილები იმ გმირებისა, რომლებიც ჩვენი ქვეყნისთვის 70 წლის წინ იბრძოდნენ. მთელი უკრაინა თავს იხრის თქვენს წინაშე, თქვენი მამაცობისა და გმირობის წინაშე. მე მჯერა, რომ უკრაინა „სამოქალაქო ომში“ გაიმარჯვებს“, - ნათქვამია პრეზიდენტის განცხადებაში.