„წინა ხელისუფლებამ ქუთაისში პარლამენტის შენობაზე 360 მლნ ლარი დახარჯა, "ქართულმა ოცნებამ" კი ამდენივე თანხა ხალხისკენ მიმართა“, - ამის შესახებ პრემიერ-მინისტრმა საზოგადოებრივი ცენტრის გახსნისას განაცხადა.

ირაკლი ღარიბაშვილმა ასევე, საყოველთაო ჯანდაცვის პროგრამაზეც ისაუბრა და განაცხადა, რომ ეს პროგრამა უნივერსალურია და მას ყველა წარმატებულად მიიჩნევს. ღარიბაშვილის თქმით, მხოლოდ ორი წლის განმავლობაში სოფლის მეურნეობაში 300 ლარის ინვესტიცია განხორციელდა.

"მინდა, ვკითხო მოსახლეობას: რა ურჩევნია, 300-მილიონიანი უფუნქციო, არაეკონომიური პარლამენტის შენობა ქუთაისში თუ ეს სოფლის დახმარების პროგრამები? 360 მილიონი გადაიხადა სააკაშვილმა პარლამენტში, ჩვენ 300 მილიონი დავხარჯეთ მოსახლეობისთვის, ხალხისთვის, სოფლის მეურნეობის ფეხზე დასაყენებლად. აღნიშნული 300 მილიონიდან, 107 მილიონი ლარის სასუქი დარიგდა, 48 მილიონის შხამ-ქიმიკატები, 54 მილიონის სასოფლო-სამეურნეო ინვენტარი; გაიცა 490 მილიონი ლარის კრედიტი, რომლითაც 21 400-მა ბენეფიციარმა ისარგებლა. ჯამში 800 მლნ ლარის ინვესტიცია განხორციელდა სოფლის მეურნეობაში“, - განაცხადა პრემიერმა.