აღნიშნულთან დაკავშირებით ინფორმაციას საქართველოს საგარეო საქმეთა სამინისტრო ავრცელებს. მათი ცნობით, განცხადებაში სახელწოდებით „საქართველო: მოგზაურობა და უსაფრთხოება. გაფრთხილება საქართველოს რეგიონებზე - აფხაზეთსა და სამხრეთ ოსეთზე“ აღნიშნულია, რომ ტექსტში გათვალისწინებული შეზღუდვები ეყრდნობოდა საქართველოს კანონს ოკუპირებული ტერიტორიების შესახებ, რომელიც მოქალაქეებს მოუწოდებს, თავი შეიკავონ აფხაზეთსა და სამხრეთ ოსეთში მოგზაურობისგან. „საქართველოში ვითარება მშვიდია, თუ არ ჩავთვლით კონფლიქტურ რეგიონებს, (აფხაზეთსა და სამხრეთ ოსეთს). აფხაზეთი და სამხრეთ ოსეთი არ არის ოფიციალური თბილისის კონტროლის ქვეშ, იქ რუსი ჯარისკაცები არიან განლაგებულნი. კონფლიქტურ რეგიონებში არსებული სიტუაცია, ადგილობრივი მედიის ინფორმაციით, ნებისმიერ დროს შეიძლება შეიცვალოს. მოგზაურობის შეზღუდვა ეხება მხოლოდ აფხაზეთსა და სამხრეთ ოსეთის რეგიონებს. ტექსტში გათვალისწინებული შეზღუდვები ეყრდნობა საქართველოს კანონს ოკუპირებული ტერიტორიების შესახებ და მოქალაქეებს მოუწოდებს თავი შეიკავონ აფხაზეთსა და სამხრეთ ოსეთში მოგზაურობისაგან“-ნათქვამია გერმანიის საგარეო საქმეთა სამინისტროს ვებგვერდზე გამოქვეყნებულ განცხადებაში, რომლის თარგმანიც საქართველოს საგარეო უწყებამ გაავცელა. საქართველოს საგარეო საქმეთა სამინისტროს ცნობით, საქართველო გერმანიის საგარეო საქმეთა სამინისტროს სპეციალურ სიაში, რომელიც მოგზაურთა საგანგებოდ გაფრთხილებას ითვალისწინებს 2008 წლიდან შეიყვანეს. შეგახსენებთ, გერმანიის საგარეო საქმეთა სამინისტრო ტერორისტული საფრთხის შემცველი ქვეყნების სია გამოაქვეყნა, რომელთა რიცხვში საქართველოც შეიყვანა.