მარგველაშვილი 15 ნოემბრის აქციაზე მისვლას გეგმავს?

პოლიტიკა - 13:39, 28 Oct, 2014

4640

„იქ მან საქართველოდან პარტიის წევრები და ახალგაზრდები, მათ შორის, „თავისუფალი ზონის“ წევრებიც დაიბარა და, როგორც ამბობენ, სწორედ ამ აქციაზე გადაწყდა 15 ნოემბრის მიტინგის ბედიც. რა თქმა უნდა, მიხეილ სააკაშვილისგან ინსტრუქციებიც მიიღეს, რჩევებიც და სტრატეგიული მონახაზიც. ჩვენი ინფორმაციით, შეხვედრების ჩატარების ნებართვა სააკაშვილმა პირადად ალიევისგან მიიღო. სააკაშვილსა და აზერბაიჯანის პრეზიდენტს დაახლოებით ორ საათს უსაუბრიათ პირისპირ და ერთობლივადაც დაუგეგმავთ ტაქტიკური სვლები, პირველ რიგში, რუსეთის წინაააღმდეგ“, -წერს გამოცემა.
„ქრონიკა +“-ის ინფორმაციით, პირველ დღეს „ნაციონალები“ გადახედავენ აქციაზე რამდენი ადამიანი მივა და ამის შემდეგ გადაწყვეტენ, უნდა გაგრძელდეს თუ არა აქციები. „ხალხის მობილიზებაში თენგიზ გუნავა იზრუნებს. არანაკლებ როლს ითამაშებენ ახალაიებიც. რასაკვირველია, „სუსიც“ იზრუნებს, ოღონდ იმაზე, რომ აქციას თბილისში, რაც შეძლება ცოტა ხალხი შეურთდეს. არ არის გამორიცხული მიტინგზე ბარბარე რაფალიანცის დედაც გამოჩნდეს. როგორც „ქრონიკა +“-მა შეიტყო, ნიკა მელია დაბინძურებული თბილისის გადიდებულ ფოტოებსაც ააფრიალებს. რასაკვირველია, მიტინგზე პოლიტიკური ნიშნით მერიიდან განთავისუფლებული პირებიც გამოვლენ. მიტინგზე ინტრიგაცაა ჩადებული. უკვე ჩურჩულებენ გიორგი მარგველაშვილის შესაძლო გამოსვლაზე. ამ ვერსიის მომხრეები ამბობენ, რომ გიორგი მარგველაშვილი ქვეყნის ყველა მოქალაქის პრეზიდენტია, ის მხარს უჭერს ქვეყნის ევროატლანტიკურ კურსს და სწორედ ამ მესიჯით მივა მიტინგზე, ოღონდ ერთი პირობით - იქ მხოლოდ „ნაციონალური მოძრაობა“ არ უნდა იყოს წარმოდგენილი“, -წერს გამოცემა.
წყარო „ქრონიკა +“