უნიათო ჰაკიმი კაშპიროვსკის როლში - ავტორი გივი თარგამაძე

პოლიტიკა - 16:27, 27 Oct, 2014

1832

პრემიერის მიერ მოხსენებულ 2 წლიანი საქმიანობის ანგარიშს, ნაციონალური მოძრაობის წევრი, გვივი თარგამაძე, საკუთარი ფეისბუქ გვერდიდან გამოეხმაურა და ღარიბაშვილს რჩევები მისცა.

როგორც საპარლამენტო უმცირესობის ლიდერი წერს, ღარიბაშვილმა ევროპის შემდეგ უკვე აფხაზეთიც გააოცა.

"და სთქვა ჰაკიმმა... არა, არაკი არა, ზღაპარი. და სთქვა ჰაკიმმა ზღაპარი. და წავიდა შუქი. აგრუხუნდნენ მისი გენერატორები. ესეც ორწლიანი მუშაობის შედეგი. შესაძლოა, მისი პატრონი შთაგონებით არწმუნებს ზვიგენს, რომ ის ოკეანეში ცურავს, ზებრას - რომ ის აფრიკის სივრცეებში ნავარდობს, პინგვინს - რომ ის აქედან ძალზედ შორსაა, მაგრამ უნიათო ჰაკიმი მთელ ერზე მოქმედი კაშპიროვსკის როლში სავალალოა.

ევროპა ხომ რა ხანია, გაოცებულია, ახლა აფხაზებიც გააოცა. როგორც ჩანს, ავტონომიის შესახებ ინფორმაცია გენეტიკური მეხსიერების სახით გადმოეცა და ორკვირიანი ჯოკონდასეული იდუმალების შემდეგ მარტივ სიბრძნეს გვაზიარა - ყველაფერი ახალი კარგად დავიწყებული ძველია. უბრალოდ არ იცის, რომ მთლად დავიწყებულია და დაჟინებული მზერით ვერ გააცოცხლებს. ეჰ, შვილო, ჰაკიმ, შენი სიდიადე არ გამოვა, შეეშვი გლობალურ საკითხებს, შენს საკუთარ და ჩემს სახლში შუქი ჩართე, რუსთავი 2-ზე მიშას უყურე, ჩვენ გვისმინე, ეგებ რამე კუნჭული გაგინათდეს მაგ ფუტურო თავში..." - წერს გივი თარგამაძე.