აფხაზეთის საკითხის განხილვა უშიშროების საბჭოს ფორმატში, მნიშვნელოვანია

აფხაზეთის საკითხის განხილვა უშიშროების საბჭოს ფორმატში, მნიშვნელოვანია - კალაძე

პოლიტიკა - 16:11, 27 Oct, 2014

1603

ენერგეტიკის მინისტრი კახა კალაძე მიიჩნეევს, რომ აფხაზეთის საკითხი ხელისუფლებისთვის მნიშვნელოვანი და სენსიტიურია. ვიცე-პრემიერის განცხადებით, აფხაზეთის საკითხის განხილვა, თუნდაც უშიშროების საბჭოს ფორმატში, მნიშვნელოვანია.

"აფხაზეთთან დაკავშირებით კონკრეტიკაზე საუბარი არ ყოფილა. პირველად მოვისმინე ის რაც დღეს იქნა გაჟღერებული. ვფიქრობ, ამ თემის გუნდში განხილვა და თუნდაც იმ ფორმატში, რასაც უშიშროების საბჭო ჰქვია, მნიშვნელოვანია. კონკრეტიკაზე საუბარი ჯერჯერობით არ ყოფილა. მე პირველად მოვისმინე პრემიერისგან ის, რაც დღეს იქნა გაჟღერებული. დეტალებზე უახლოეს მომავალში შეგვეძლება საუბარი, ჩვენ ამაზე ალბათ დავკონკრეტდებით და დეტალურად ჩამოვყალიბდებით. რაც შეეხება უშუალოდ ხელისუფლების ანგარიშს და მიღწეულ წარმატებას, ჩვენ ძალიან მძიმე და რთული მემკვიდრეობა გვერგო. მე ბედნიერი ვარ, რომ დღეს ყველა მოქალაქე დაზღვეულია და იციან, რომ ექიმის მომსახურეობა მათთვის უფასო იქნება. მნიშვნელოვანია, რომ პენსია გაიზარდა. მომავალ წლებში თანხები კიდევ უფრო გაიზრდება. ასევე მნიშვნელოვანია განათლების კუთხით ჩატარებული რეფორმები. პატარებს სახელმძღვანელოები მერხებზე ხვდებათ. 53 000 პატარას ემსახურება სატრანსპორტო საშუალება სკოლებში გადაადგილებისთვის. მნიშვნელოვანია სოფლის მეურნეობის წარმატება. ეკონომიკის მიმართულებით, პროექტი აწარმოეს საქართველოში, რომელსაც ხელისუფლება ახორციელებს. ასევე ჩვენი დარგი, ძალიან დიდია უცხოელების ინტერესი ენერგეტიკის მიმართ და ჩვენ ყველაფერს გავაკეთებთ ამ დარგის წინსვლისთვის",- განაცხადა კახა კალაძემ პრემიერ ირაკლი ღარიბაშვილის ორწლიანი შემაჯამებელი გამოსვლის შემდეგ.