ხანგრძლივი პაუზის შემდეგ, რუსულმა ავიაკომპანია “აეროფლოტმა“ გვიან ღამით თბილისი-მოსკოვი-თბილისის მიმართულებით პირველი რეისი შეასრულა.

განახლებულ პირველ რეისზე, „აეროფლოტის“ თვითმფრინავით, მოსკოვში, თბილისიდან ასი მგზავრი ჩავიდა. ფრენების განახლების აღსანიშნავად, ავიაკომპანია „აეროპლოტის“ ადმინისტრაციამ პრეზენტაციაც გამართა. ღონისძიება აეროპორტში მოეწყო.

„აეროფლოტის“ განკარგულებაში 153 ავიალაინერია და ის რეგულარულ და ჩარტერულ რეისებს 52 ქვეყანაში 121 მიმართულებით ასრულებს.

რუსული ავიაკომპანია “აეროფლოტი“ ფრენებს თბილისი-მოსკოვი-თბილისის მიმართულებით ყოველდღიურ რეჟიმში განახორციელებს.