საქართველოს ორდღიანი ოფიციალური ვიზიტით ესტონეთის პარლამენტის დელეგაცია ეწვია. ევროკავშირის საკითხთა კომიტეტის წევრები შეხვედრებს საკანონდებლო ორგანოში გამართავენ, ასევე შეხვდებიან საგარეო საქმეთა მინისტრსა და სახელმწიფო მინისტრს ევროინტეგრაციის საკითხებში.

განიხილება საქართველოს ევროინტეგრაციის პერსპექტივები და რუსეთის პოლიტიკა საქართველოსა და მის ოკუპირებულ რეგიონებთან მიმართებაში.

„ჩვენ აქ ვიმყოფებით საქართველოს ევროინტეგრაციის მხარდასაჭერად. ეს არის დაგეგმილი შეხვედრების მთავარი თემა, რა თქმა უნდა ვისაუბრებთ საქართველოსა და რუსეთს შორის არსებულ ურთიერთობებზე. ჩვენ ამ მიმართულებითაც მხარს ვუჭერთ საქართველოს“, - განაცხადა ესტონეთის საპარლამენტო დელეგაციის ხელმძღვანელმა კარლ ბერლინგმა.

დღესვე, ესტონეთის ელჩის პრიიტ ტურკის ტურკის სახელით მიღება გაიმართება. დელეგაცია საქართველოდან ხვალ გაემგზავრება.