ზურაბ აბაშიძე რუსული ,,აეროფლოტის“ შემოსვლას ავიამიმოსვლის საჭიროებით ხსნის

პოლიტიკა - 21:26, 26 Oct, 2014

1539

ქართულ ავიაბაზარზე რუსული „აეროფლოტის“ შემოსვლასთან დაკავშირებულ კრიტიკას უპასუხა პრემიერის წარმომადგენელმა რუსეთთან ურთიერთობის საკითხებში, ზურაბ აბაშიძემ, რომელიც ,,ნაციონალური მოძრაობის“ განცხადებას გამოეხმაურა.

რუსეთსა და საქართველოს შორის რეგულარული რეისები ჩარტერულზე გაცილებით უკეთესია - აცხადებს ზურაბ აბაშიძემ. მისივე თქმით, რეგულარული რეისების აღდგენაზე მოლაპარაკება ერთ წელიწადზე მეტია მიმდინარეობს.

„თუ არ იყო საჭირო რუსეთის მიმართულებით ფრენა, მაშინ არ უნდა დაგვეწყო ეს ჩარტერული რეისები 2009 წლიდან წინა ხელისუფლების დროს და ვივლიდით ფეხით, ვისაც დასჭირდებოდა. რა საჭირო იყო?! მაგრამ როგორც ჩანს მაინც არის საჭირო 21-ე საუკუნეში ავიამიმოსვლა. ამიტომ ეხლა შეთანხმება ასეთია, რომ ჩარტერული რეისების მაგივრად იფრენს რეგულარული რეისები, და 7 რეისის ნაცვლად თითო მხრიდან იქნება მეტი.

ადამიანის ბუნება ასეთია, რასაც თვითონ ვერ გააკეთებს მერე სწყინს, რომ სხვა აკეთებს და იმას აბრალებს ხოლმე შენს შეცდომებს და გაცილებით კიდევ მეტს, ვიდრე შეცდომას. მე მგონი ამ შემთხევავშიც ამასთან გვაქვს საქმე“, - განაცხადა აბაშიძემ.

ქართულ ავაიბაზარზე რუსული ,,აეროფლოტის“ შემოსვლას საქართველოს ინტერესებისა და ქვეყნის ეკონომიკისთვის დამღუპველ ფაქტს უწოდებენ საპარლამენტო ოპოზიციაში, ,,ნაციონალური მოძრაობის“ ერთ-ერთმა ლიდერმა მიხეილ მაჭავარიანმა აეროფლოტის საქართველოში შემოსვლა აბაშიძე-კარასინის შეხვედრებს დაუკავშირა.