საქართველოს სტუდენტთა უფლებების ლიგის წევრებზე ხორციელდება სიტყვიერი მუქარა, ამასთან დაკავშირებით პოლიციაში უკვე შევიდა საჩივარი, საქმე აღძრულია. საქართველოს სტუდენტთა უფლებების ლიგის ერთ-ერთ აქტიურ წევრზე, მარიამ პაპაშვილზე, განხორციელდა სატელეფონო ზარი, სადაც მას დაემუქრნენ და უთხრეს, რომ თუ ის კიდევ გააგრძელებდა სხვადახვა განცხადებების გაკეთებას მას სიცოცხლეს გაუმწარებდნენ. საქართველოს სტუდენტთა უფლებების ლიგის პრეზიდენტის, ნოდარ თათვიძის განცხადებით უკვე არაერთხელ დაფიქსირთა საქართველოს სტუდენტთა უფლებების ლიგის წარმომადგენლებზე ზეწოლის ფაქტები და რამდენჯერმე ტელევიზიებისა თუ სააგენტოების საშუალებით განაცხადებაც კი გააკეთეს აღნიშნულ თემასთან დაკავშირებით.

"მთელი ღამე ერთი პოლიციიდან მეორე პოლიციაში ვინაცვლებდით..საქართველოს სტუდენტთა უფლებების ლიგის ერთ-ერთ წევრს დაურეკეს და დაემუქრნენ, თუ ის გააგრძელებდა ისეთივე განცხადებების გაკეთებას, როგორსაც აკეთებს ხოლმე, მას სიცოცხლეს გაუმწარებდნენ და ა.შ. ამის საფუძველზე ჩვენმა წევრმა დაწერა საჩივარი პოლიციაში..რა თქმა უნდა ტელევიზიებიც იყვნენ და გადაიღეს ეს ყველაფერი, უკვე გვიანი იყო და გადავწყვიტეთ სახლებში წასვლა და ზუსტად რამდენიმე წუთში საქართველოს სტუდენტთა უფლებების ლიგის სხვა 2 წევრს, რომლებიც ჩვენთან ერთად გახლდათ პოლიციაში, სახლში წასვლისას დახვდა 6 ბიჭი რომლებმაც დაიწყეს მათი შეშინება...რა თქმა უნდა ამასთან დაკავშირებითაც მათაც დაწერეს საჩივარი ეს უკვე მეორე პოლიციაში...ეს ორი წევრი საქართველოს სტუდენტთა უფლებების ლიგის წარმომადგენლები გახლავთ საქართველოს განათლებისა და მეცნიერების სამინისტროს განათლების ხარისხის განვითარების ცენტრის აკრედიტაციისა და ავტორიზაციის საბჭოებში, მათი თანამდებობა საბჭოების მდივნები! ისინი დანიშნულნი არიან საქართველოს პრემიერ-მინისტრის ბატონი ირაკლი ღარიბაშვილის ბრძანებით...მინდა ხაზგასმით ავღნიშნო ჩვენ საქართველოს სტუდენტთა უფლებების ლიგის წარმომადგენლები დავიცავთ ჩვენს თითოეულ წევრს და არავის არაფერს შევარჩენთ!!! ჩვენ ვერავინ ვერაფერს დაგვაკლებს!!! ჩვენ ვართ საქართველოს სტუდენტთა უფლებების ლიგა!!"- აცხადებს, საქართველოს სტუდენტთა უფლებების ლიგის პრეზიდენტი ნოდარ თათვიძე.

საქართველოს სტუდენტთა უფლებების ლიგის წევრი მარიამ პაპაშვილი რომელზეც განხორციელდა სატელეფონო მუქარა აცხადებს, რომ უკვე შეიტანა საჩივარი პოლიციაში და ელოდება შეაბამის რეაგირებას.

„რამოდენიმე დღის წინ სოციალურ ქსელ „Facebook”-ში უცხო პირი დამემუქრა, შემდეგ კი ჩემს ტელეფონზე ფარული ნომრიდან მუქარის ზარი განხორციელდა. ეს ყველაფერი მოხდა იმის მერე, რაც განცხადება გავაკეთე სტუდენტური ომბუცმენის და ერთიანი ნაციონალური მოძრაობის ურთერთკავშირზე. აქედან გამომგინარე ვვარაუდობთ, რომ ეს მუქარა განხორციელდა ერთიანი ნაციონალური მოძრაობის პარტიის წევრების მხრიდან. ჩვენ უკვე მივმართეთ პოლიციას მოთხოვნით, რომ გაარკვიონ თუ ვინ იყო ის პიროვნება და შესაბამისი რეაგირება მოყვეს ამ ყველაფერს.“ -აცხადებს, საქართველოს სტუდენტთა უფლებების ლიგის წევრი მარიამ პაპაშვილი.