პარლამენტის ვიცესპიკერი მაია ფანჯიკიძის გადადგომას მოითხოვს. მურმან დუმბაძეს მიაჩნია, რომ საქართველოს საგარეო საქმეთა მინისტრი ანტისახელმწიფოებრივად აზროვნებს და მისი განცხადებები ქვეყნისათვის საზიანოა.

"ჩემთვის გაუგებარია, როცა მაია ფანჯიკიძე აცხადებს, რომ შესაძლებელია, რომელიმე მეზობელ ქვეყანაში დაგეგმილი ვიზიტის გამო უშიშროების საბჭოს სხდომას ვერ დაესწროს. რატომ უნდა დარჩეს ის ამის შემდეგ თანამდებობაზე?! თავმოყვარე პარლამენტარი არამარტო მას, არამედ მთავრობის სხვა წევრების გადადგომის საკითხსაც დააყენებდა,“ - განაცხადა მურმან დუმბაძემ ჟურნალისტებთან საუბრისას.