"ქართულ-იაპონურ ურთიერთობებში ახალი ნაბიჯი გადაიდგა," - ასე აფასება საქართველოს პრეზიდენტი იაპონიაში ვიზიტს, რომლის ფარგლებშიც შეხვედრები გამართა იმპერატორთან და პრემიერ-მონისტრთან. ასევე გაფორმდა ორ ქვეყანას შორის მემორანდუმი.

"იაპონია ყოველთვის მხარს უჭერდა საქართველოს ბევრი მიმართულებით, მაგრამ ამ ვიზიტის ფარგლებში გადაიდგა კიდევ ერთი ნაბიჯი ურთიერთობების გაღრმავების კუთხით. ჩვენ ვართ უაღრესად მადლობლები თბილი დახვედრისთვის იაპონელი ხალხის, ასევე იაპონიის მთავრობის და პირადად პრემიერ-მინისტრის იმისთვის, რომ ჩვენი ქვეყნის დღის წესრიგი მაღალ დონეზე აიყვანა. მხარი დაგვიჭირა ჩვენ ყველა იმ მიმართულებაში, რომელიც ჩვენთვის განსაკუთრებით მნიშვნელოვანია.

ამ დოკუმენტში აისახა პრობლემებიც. მაგრამ, პრობლემების გარდა, აისახა მომავალი განვითარების პერსპექტივები. ეს დოკუმენტი სწორედ ის დოკუმენტია, რომელიც წინ წევს ქართულ-იაპონურ ურთიერთობებს და რომელსაც დაეფუძნება ჩვენს ქვეყნებს შორის კიდევ უფრო გაღრმავებული თანამშრომლობა,"- განაცხადა პრეზიდენტმა.