საქართველოს პრემიერმინისტრმა ირაკლი ღარიბაშვილმა საქართველოს მოსახლეობას თბილისობა მიულოცა. ღარიბაშვილმა მოსახლეობას საკრებულოს განახლებული შენობიდან მიმართა:

„მე მსურს ყველას მოგილოცოთ დღევანდელი დღე. დღეს ჩვენი დედაქალაქი მთელი ჩვენი ქვეყნის მასპინძელია და მთელი საქართველო ზეიმობს თბილისელებთან ერთად. ორი დღის განმავლობაში გავიხსენებთ ჩვენს ტრადიციებს და ვიზეიმებთ თანამედროვე თბილისთან ერთად. რთულია სხვაგან მოიძებნოს ისეთი თბილი დამოკიდებულება, როგორიც ამ ქალაქშია. საკუთარი ქალაქის მიმართ განუსაზღვრელი სიყვარული, ეს არის ძვირფასი ტრადიცია და ამას სჭირდება გაფრთხილება. ჩვენ უნდა ვიფიქროთ როგორ გახდეს ჩვენი დედაქალაქი რეგიონის კულტურული ცენტრი. იმედი მაქვს, რომ თბილისში განვითარებისა და წარმატების ახალი ეტაპი დაიწყება. მე დარწმუნებული ვარ, რომ თბილისის მერია ამ ყველაფერს ჩვენთან ერთად შეასრულებს. ჩვენი მიზანია, რომ მთელი საქართველოსთვის თბილისი საამაყო დედაქალაქი იყოს“, - განაცხადა ირაკლი რარიბაშვილმა.