საქართველოს იუსტიციის მინისტრი, თეა წულუკიანი გოდერძი ჯოლოხავასთან დაკავშირებულ საქმეს იხსენებს. ტელეკომპანია „იმედის“ გადაცემა „რეაქციაში“ წულუკიანმა განაცხადა, რომ ჯოლოხავასთან შეხვედრისას მოწმემ აღნიშნა, რომ მას „ნაციონალურმა მოძრაობამ“ პატრიარქის დაზიანება და ერთერთი მეუფის მოკვლა დაავალა:

„მე ვწუხვარ და განვიცდი იმ მოქალაქის ბედს, რომელიც აღმოჩნდა ბატონი ჯოლოხავა. ჩემთან კაბინეტში ამოყვანები არ ხდება. მე ქალბატონმა ინაშვილმა, როცა არჩილ კბილაშვილი იყო მთავარი პროკურორი, მითხრა რომ ჰყავს ერთი გაუბედურებული, საცოდავი კაცი, რომელიც ყვებოდა თუ როგორ სურდა „ნაციონალურ მძრაობას“ პატრიარქის დაზიანება და ერთერთი მეუფის მოკვლა, მე ყველა მოქალაქეს ვხვდები, ვინც შესაძლოა ასეთი მსხვერპლი იყო და მე შევხვდი ამ ადამიანს ქალბატონი იანაშვილის თხოვნით. ბატონმა ჯოლოხავამ აღწერა ყინწვისში სხვადასხვა მოვლენები, თქვა რომ დაავალეს ეკლესიის წინააღმდეგ ბრძოლა, თქვა რომ ის იყო საშინელ პირობებში ციხეში. მე დავუკავშირდი კბილაშვილს და ვთხოვე, რომ შეხვედროდა ინაშვილს და მოწმეს და დაეცვათ ეს ადამიანი, როგორც მოწმე. შემდეგ გავიგე, რომ ის „ნაციონალურმა მოძრაობამ“ ხელში ჩაიგდო. მე მოვითხოვე, რომ აღეძრათ სისხლის სამართლის საქმე და გამოერკვიათ, იყო თუ არა ზეწოლა ჩემგან ან სხვა პირისგან მასზე“, - განაცხადა წულუკიანმა.

იუსტიციის მინისტრმა ასევე სასამართლოს თავისუფლებაზე და ამ კუთხით ხელისუფლების მიღწევაზეც ისაუბრა:

„გაუგონარი ბრალდებები ისმის, თუკი რამეს მივაღწიეთ მართლმსაჯულების სფეროში, ეს არის მოსამართლის თავისუფლება. დღეს სახეზეა ყველაზე დიდი მიღწევა მართლმსაჯულების სფეროში, მოსამართლე დამოუკიდებელია ჩემგან, მთავრობისგან და პრემიერისგან. ვერცერთი მოსამართლე ვერ იტყვის, რომ ეს ასე არ არის.