ბრიუსელში ევროპის კავშირის წევრი სახელმწიფოების ლიდერები რთული ეკონომიკური ვითარების შესახებ მსჯელობენ.

ეკონომიკური ზრდის შეჩერების და მაღალი უმუშევრობის გამო , წევრი ქვეყნების ბიუჯეტების გამო დაძაბული ვითარებაა.

წევრმა ქვეყნებმა ბრიტანეთს მოთხოვეს ევროკავშირის სალაროში დამატებით ორი მილიარდ ასი ათასი ევრო შეიტანოს. იგივე თხოვნით მიმართა ევროკავშირმა ნიდერლანდს, თუმცა ამ უფრო მცირე ქვეყნის წილი შესაბამისია, მას ბრიუსელი დამატებით 642 მილიონ ევროს თხოვს.

ევროპის კავშირის უმეტეს წევრებს ეკონომიკური სტაგნაცია აქვთ. ევროკავშირის ბიუჯეტში წილი ქვეყნების ეკონომიკების მოცულობით განისაზღვრება. მოლაპარაკების პირველ დღეს, 23 ოქტომბერს, ევროკავშირის ლიდერებმა მიაღწიეს შეთანხმებას შეამცირონ სათბურის გაზის გამოყოფა 2030 წლისთვის 40 პროცენტამდე. ამავე წლისთვის მათ დასახეს სხვა მიზანიც: გაიზარდოს განახლებადი ენერგიის გამოყენება, სულ, 27 პროცენტით. ამას ემატება მათი პირობა, რომ გაფართოვდება წევრ ქვეყნებს შორს ენერგიის მარაგის მიმოქცევის საშუალებები.