ჩოხატაურის მუნიციპალიტეტის საზოგადოებრივი ჯანდაცვის ცენტრში თანამშრომლები ხელმძღვანელს დაუპირისპირდნენ. უთანხმოება მას შემდეგ დაიწყო, როცა მის ორ თანამშრომელს სამსახურიდან ადრე წასვლის გამო მკაცრი გაფრთხილემა მისცა და ხელფასის დაქვითვით დაემუქრა. თანამშრომლები სამსახურიდან სამუშაო საათის დასრუებამდე 10 წთ ადრე, უფროსის თანდასწრებით გავიდნენ.

"ჩვენ კარგად ვიცით სამუშაო საათების დრო და შრომის კოდექსაც ვიცნობთ, მაგრამ რატომ იმ დღესვე მის თვალწინ არ გვითხრა არ გახვიდეთო? ამას სხვა განაწყებნება და გაურკვევლობა უძღვის წინ, არ გვინდა აქ არსებულ, თუმცა მნიშვნელოვანი ფაქტების გამო ხმაური ავტეხოთ. ველოდებით საკრებულოსა და გამგეობის გადაწყვეტილებას, მათ იციან აქ რაც ხდება”– აცხადებენ ცენტრის თანამშრომლები.

საზოგადოებრივი ჯანდაცვის ცენტრში, თანამშრომლებსა და ხელმზღვანელს შორის დაპირისპირებას, ცენტრის ექიმი-ეპიდემიოლოგი ნატო ჯიბუტიც ადასტურებს, - "სამსახურში პრობლემები ნამდვილად არსებობს, რასაც ვადასტურებ, მაგრამ ამის შესახებ კონკრეტულად არ მინდა ვისაუბრო”.

ჩოხატაურის საზოგადოებრივი ჯანდაცვის ცენტრის ხელმზღვანელი, გოგი კუტუბიძე "ნიუ პოსტთან” სატელეფონო საუბარში აცხადებს, რომ თანამშრომლებთან უმნიშვნელო დაპირისპირება მოუვიდა. "დაპირისპირება იყო, მაგრამ უმნიშვნელო, ვადასტურებ, რომ საკრებულოს თავმჯდომარეც იმყოფებოდა ჩვენთან, მაგრამ სულ სხვა საკითხზე იყვნენ მოსულები”. – აცხადებს კუტუბიძე.

ჩოხატაურის მუნიციპალიტეტის საკრებულოს თავმჯდომარე, ზაალ მამალაძის განცხადებით, აღნიშნულ საკითხზე მუშაობა მიმდინარეობს, რადგან საკრებულო დაინტერესებულია სიტუაცია ისე დარეგულირდეს, რომ სამსახურმა გამართული მუშაობა შეძლოს.