"საქართველოს პრეზიდენტის ვიზიტი ბრიუსელში პოლიტიკური კრიზისის გამო ჩაიშალა", - ამ შინაარსის წერილი Leuven-ის უნივერსიტეტიდან იმ პირებმა მიიღეს, რომლებიც გიორგი მარგველაშვლთან შეხვედრას უნდა დასწრებოდნენ.

ვიზიტის ჩაშლის შესახებ „რუსთავი 2"-ს ინფორმაცია Leuven-ის ქართველმა სტუნდეტმა თეონა ლავრელაშვილმა მიაწოდა.

ქართველი სტუდენტის ინფორმაციით, ვიზიტის ჩაშლის შესახებ ინფორმაცია უნივერსიტეტს საქართველოს საელჩომ მიაწოდა. როგორც თეონა ლავრელაშვილი აცხადებს, წერილში აღნიშნულია, რომ გიორგი მარგველაშვილი ბრიუსელში ჩასვლას ქვეყანაში შექმნილი პოლიტიკური კრიზისის გამო ვერ შეძლებს.

ქართველი სტუდენტი შიშობს, რომ მსგავსი ინფორმაცია საქართველოს ევროკავშირთან პრობლემებს შეუქმნის.

„ეს წერილი ჩემს გარდა 200-მდე ადამიანმა მიიღო. ამის შემდეგ გავრცელდა ინრფორმაცია და ყველა მეკითხება, თუ რა ხდება ასეთი საქართველოში. არ ვიცი მე მათ რა ვუპასუხო, მე თვითონაც გაკვირვებული ვარ“, - აცხადებს თეონა ლავრელაშვილი.