„კანადას ვერ შეაშინებენ“- განაცხადა კანადის პრემიერ მინისტრმა სტივენ ჰარპერმა , პრემიერის თქმით, კანადაში უსაფრთხოების ზომები მაქსიმალურად გამკაცრდება. ასევე, კანადა აქტიურად იმუშავებს საერთაშორისო პარტნიორებთან ტერორიზმთან ბრძოლის მიმართულებით.

კანადის პრემიერმა ეს განცხადება მას შემდეგ გააკეთა, რაც გუშინ პირველი მსოფლიო ომის მემორიალთან თავდასხმა მოხდა. 1982 წელს დაბადებულმა მიშელ ზეჰაფ-ბიბომ ცეცხლი პარალმენტის შენობასთან გახსნა და ომის მემორიალის საპატიო ყარაული მოკლა. მოგვიანებით იგი სამართალდამცველების მიერ პარლამენტის შენობაში იქნა ლიკვიდირებული.

პოლიციის ინფორმაციით, მიშელ ზეჰაფ-ბიბომ 30-მდე გასროლა განახორციელა. ვრცელდება ინფორმაცია, რომ თავდამსხმელი ნარკოტიკების შენახვისათვის პოლიციის მიერ რამდენჯერმე იყო დაკავებული.

ოტავაში მომხდარი თავდასხმის გამო, „ისლამურ სახელმწიფოსთან“ მებრძოლი ქვეყნები, მნიშვნელოვანი სახელმწიფო ობიექტების დასაცავად, დამატებით ზომებს იღებენ.