უშიშროების საბჭოზე მიწვეული პოლიტიკოსების არდასწრების ერთ-ერთ მიზეზად კონსტიტუციასა და ორგანულ კანონში არსებული ჩანაწერის ორაზროვნება სახელდება, პარლამენტის უმრავლესობის დეპუტატების განცხადებით კანონში ცალსახად არ არის მითითებული აქვს თუ არა პრეზიდენტს უფლებამოსილება მოიწვიოს უშიშროების საბჭოს სხდომა კონკრეტულად რუსეთის მიერ აფხაზეთისათვის შეთავაზებული ჩარჩო-დოკუმენტის საკითხზე სამსჯელოდ.

„ლაფსუსი გვაქვს კანონმდებლობაში, კონსტიტუცია გვეუბნება , რომ ეროვნული უშიშროების საბჭო მუშაობს მხოლოდ თავდაცვის ორგანიზაციის და და სამხედრო აღმშენებლობის საკითხებეზე. ის საკითხი, რაზეც პრეზიდენტმა ეროვნული უშიშროების საბჭო მოიწვია , ამ საკითხებს არ უკავშირდება, თუმცა გვაქვს უშიშროების საბჭოს მოქმედი ორგანული კანონი, რომლის ფარგლებშიც პრეზიდენტს სავარაუდოდ ამგვარ საკითხებზე ეროვნული უშიშროების საბჭოს მოწვევა შეუძლია. შესაბამისად ჩვენ კონსტიტუციით უნდა ვიხელმძღვანელოთ თუ ორგანული კანონით, ეს გაუგებრობა დღის წესრიგში დგას. ალბათ კონსტიტუციით, რადგან კონსტიტუცია უმაღლესი, პირველი დოკუმენტია“- აცხადებს საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი.

სესიაშვილი 28 ოქტომბერს ჩანიშნულ უშიშროების საბჭოს სხდომაზეა მიწვეული. თუმცა, მისი განმარტებით მან ჯერჯერობით არ იცის, დაესწრება თუ არა სხდომას.