28 ოქტრომბერს ჩანიშნულ უშიშროების საბჭოს სხდომაზე მიწვეული მინისტრების დასწრებასთან დაკავშირებით კომენტარს სახელმწიფო მინისტრი, ალექსი პეტრიაშვილი აკეთებს და აცხადებს, რომ ამ თარიღისთვის საბჭოზე დასწრებას მუდმივმოქმედი წევრები ვერ მოახერხებენ.

„პირები რომლებიც არიან მუდმივმოქმედი წევრები, არ იმყოფებიან იმ დღეს ქალაქში, ეს ხომ არ იქნება საბჭო საბჭოსთვის? ეს უნდა იყოს გადაწყვეტილებების და რეკომენდაციების შემუშავებისთვის ორგანიზებული შეხვედრა, რომელსაც სჭირდება ყველას ჩართვა, შესაბამისად დაველოდოთ კონსულტაციებს“- აცხადებს პეტრიაშვილი.

უშიშროების საბჭოს სხდომა 28 ოქტომბერს არის ჩანიშნული.სხდომაზე მიწვეულია სახელმწიფო მინისტრი შერიგებისა და სამოქალაქო თანასწორობის საკითხებში პაატა ზაქარეიშვილი, ასევე სახელმწიფო მინისტრი ევროატლანტიკური ინტეგრაციის საკითხებში ალექსი პეტრიაშვილი, პარლამენტიდან კი - საგარეო ურთიერთობათა, თავდაცვისა და ევროპასთან ინტეგრაციის კომიტეტების თავმჯდომარეები - თედო ჯაფარიძე, ირაკლი სესიაშვილი და ვიქტორ დოლიძე.