თინა ხიდაშელის განცხადებით, რიგ საკითხებზე, უშიშროების საბჭოს ფორმატში პრემიერმინისტრი, პარლამენტის თავმჯდომარისა და მინისტრების დასწრება აუცილებელი არ არის. დეპუტატის განმარტებით, არსებობს საკითხები, რომელთა შემთხვევაშიც აუცილებელია საქმე ექსპერტების მიერ იქნას განხილული:

„ეს ყველაფერი დამოკიდებულია დღის წესრიგზე და თარიღზე. რა თქმა უნდა ხდება ისე, რომ ვიღაც არ არის ხოლმე ქვეყანაში. არ შეიძლება პანაცეად ვაქციოთ, რომ ყველა ყოველთვის ერთად უნდა დავსხდეთ და ყველაფერზე ერთად უნდა ვმსჯელობდეთ. დღეს რაც ხდება, მაგალითად იმავე ხელშეკრულების კონტექსტში, ჩემი აზრით აქ დღეს ყველაზე მთავარი რაც გასაკეთებელია, იგივე უშიშროების საბჭოს ფორმატში, არის საფრთხეების ანალიზი, რასაც არ სჭირდება არც პრემიერმინისტრი, არც პარლამენტის თავმჯდომარე და მე რომ მკითხოთ, არც რომელიმე მინისტრი. ეს უნდა იყოს სრულიად სხვა ფორმატი, ექსპერტების, ადამიანების, რომლებსაც ყველაზე უკეთ შეუძლიათ ამ საფრთხეების ანალიზი“, - განაცხადა თინა ხიდაშელმა.