ახალციხის პოლიციის სამმართველოსთან ამ დრომდე ხალხმრავლობაა. ადგილობრივები დაშლას არ აპირებენ. მუსლიმი მოსახლეობა სოფელ მოხეში დაკავებულების უპირობოდ გათავისუფლებას ითხოვენ.

ადგილზე „საიას“ წარმომადგენლებიც ჩავიდნენ მათ ჯერ კომენატრი არ გაუკეთებიათ, თუმცა ისინი აპირებენ, რომ სიტუაციას ადგილზე გაეცნონ და შეკრებილების აზრი მოისმინონ. ამის შემდეგ ისინი სამხარეო პოლიციის შენობაში დკავებულების მონახულებას აპირებენ.

შეკრებილების კიდევ ერთი მთავარი მოთხოვანა, დაკავებულების გათავისუფლების გარდა, სოფელ მოხეში არსებული შენობის მათთვის უპირობოდ გადაცემაა. ისინი აცხადებენ, რომ წლების მანძილზე ამ შენობაში მეჩეთი ფუნქციონირებდა, ამის შემდეგ კულტურის სახლი, შემდეგ კი იყო უფუნქციოდ იყო დარჩენილი.

„ჩემთვის მისაღებია გუბენრატორის განცხადება, რომ ეს შენობა იქნება კულტურულ-საგანმანათლებლო ობიექტი, ადრე რა იყო ამას სჭირდება შესწავლა, იმიტომ რომ ქრისტიანი მოსახლეობა ამბობს ერთს, მუსლიმი ამბობს მეორეს",- განაცხადა პაატა ზაქარეიშვილმა აღნიშნული თემის კომენტირებისას.

როგორც ცნობილია 14 დაკავებულიდან 3 მათგანზე არის სისხლის სამართლის საქმეა აღძრული და ისინი გუშინ ღამე ბორჯომის პოლიციაში გადაიყვანეს, თუმცა 11 მათგანი ამ დრომდე ახალციხის პოლიციაში რჩება.