"მე ვიცი, რომ თავდაცვის მინისტრი, ალბათ, არ იქნება ამ დროს საქართველოში," - ამის შესახებ კომენტარი შერიგებისა და სამოქალაქო თანასწორობის სახელმწიფო მინისტრმა პაატა ზაქარეიშვილმა გააკეთა.

როგორც დღეს გახდა ცნობილი, 28 ოქტომბერს ჩანიშნულ უშიშროების საბჭოს სხდომაზე მიწვეულები არიან პაატა ზაქარეიშვილი და ალექსი პეტრიაშვილი, ასევე პარლამენტის სამი წევრიც. სხდომას თავდაცვის მინისტრი ირაკლი ალასანიაც დაესწრება.

„ნიუპოსტმა“ პრემიერმინისტრის პრესსამსახურში გადაამოწმა ინფორმაცია იმის შესახებ, მიიღო თუ არა ირაკლი ღარიბაშვილმა სხდომაზე მიწვევა, თუმცა, პრესსამსახური აღნიშნულ თემაზე ინფორმაციას არ ფლობს.