ბიძინა ივანიშვილს პოლიტიკაში დაბრუნებიკენ მოუწოდეს

პოლიტიკა - 12:05, 23 Oct, 2014

2762

პარტია „თავისუფალი საქართველოს“ გენარალური მდივანი ალეკო შალამბერიძე აცხადებს, რომ "ნაციონალური მოძრაობა" უნდა ჩაირეცხოს.

„ივანიშვილმა დაწყებული კეთილი საქმე ბოლომდე უნდა მიიყვანოს. არ შეიძლება მარიონეტებმა მართონ ქვეყანა. ივანიშვილს ქვეყნის პოლიტიკაში დაბრუნებისკენ მოვუწოდებ. ის ბევრად უკეთ გააკეთებს საქმეს, ვიდრე მისი მარიონეტები. სხვანაირად ქვეყანა წავა უკან. ღარიბაშვილის ხელისუფლებაში დატოვება „ნაციონალების“ დაბრუნებას უწყობს ხელს, ძალიან ახალგაზრდაა პრემიერობისთვის. შესაძლოა უნდა ბევრი კარგის გაკეთება, მაგრამ არ გამოდის. ბევრი რამე არ იცის. სათანადოდ ვერ აფასებს სიტუაციას. გამოვიდა და განაცხადა, რომ ასოცირების ხელშეკრულების გაფორმება საქართველოს რუსეთთან ურთიერთობებს არ გააფუჭებს. ყველაფერს ზედმეტად მარტივად უყურებს. ცოტა ხნის წინ ევროსაბჭომ მიიღო საგანგაშო რეზოლუცია. პრემიერი კიდევ ამბობს, რომ ეს არაფერს არ ნიშნავს. არადა, ეს ძალიან ბევრს ნიშნავს. მოვლენების ასე ზერელე შეფასება ქვეყანას ცუდ შედეგამდე მიიყვანს. ღარიბაშვილის ხელისუფლებაში დარჩენა „ნაციონალების“ დაბრუნების საწინდარია. „ნაციონალები“ კი უნდა ჩაირეცხონ“, - განაცხადა ალეკო შალამბერიძემ.

წყარო: გაზეთი „ახალ თაობა“