ამ წუთებში საქალაქო სასამართლოში ირაკლი ღარიბაშვილის სახლთან გამართული აქციისას დაკავებული პირების სასამართლო პროცესი მიმდინარეობს, სადაც ცოტახნის წინ ინციდენტი მოხდა.

დარბაზში მყოფ ერთ-ერთ მოქალაქეს მოსამართლემ სიმშვიდის შენარჩუნებისკენ რამდენჯერმე მოუწოდა, რის შემდეგაც, დარბაზის დატოვება მოსთხოვა. დამსწრე არ დაემორჩილა მოსამართლის მოწოდებას, რის გამოც იგი სასამართლო დარბაზიდან ძალის გამოყენებით გაიყვანეს.

ახალგაზრდა ქალსა და მანდატურის სამსახურს შორის დაპირისპირება სასამართლო დარბაზის გარეთაც გაგრძელდა. ინციდენტი ფიზიკურ შეხლა-შემოხლაში გადაიზარდა, რასაც ქალბატონის და მისი თანმხლები მამაკაცის დაკავება მოყვა.